FOSFOPROTEİDLƏR, f o s f o p r o t e i n l ә r − mürәkkәb zülallar; tәrkibinә polipeptid zәncirinin aminturşu qalıqlarına birlәşmiş fosforil qrupu daxildir. Adәtәn, fosforil qrupu –P₃^–2 ) serin vә ya treonin aminturşuları qalıqları vasitәsilә F.-in molekullarına birlәşir. Fosforil qalığının zülala köçürülmәsi fosfotransferaza qrupundan olan proteinkinaza fermenti ilә kataliz edilir vә bu zaman fosfatın donoru adenozintrifosfat turşusunun (ATF) molekuludur.

Qәlәvilәrin tәsiri ilә fosforil qrupunun qeyri-fermentativ qopması baş verir. F. turşuların tәsirinә davamlıdır. F.-ә südün әsas zülallarından biri olan kazein, toyuq yumurtasının zülalları (vitellin, ovalbumin), histonların fosforillәşmiş modifikasiyaları, RNT-polimeraza fermentlәri, bәzi fosfotransferazalar, fosfatazalar, vә s. aiddir. F. canlı orqanizmlәrdә geniş yayılmış vә maddәlәr mübadilәsindә, hüceyrәlәrin nüvә aktivliyini tәnzimlәnmәsindә, mitoxondriyalarda ionların nәqlindә vә oksidlәşmә proseslәrindә iştirak edirlәr.