FOSFORİLAZALAR – qlikozil qalıqlarını qeyri-üzvi fosfatlara daşıma yolu ilә qlikozid әlaqәlәrin parçalanmasını kataliz edәn fermentlәr. Transferazalar sinfinә aiddir. F. tәbiәtdә geniş yayılmışdır. Onlar heyvan vә bitki toxumalarında, hәmçinin mikroorqanizmlәrdә vardır. F.-ın mühüm qrupunu poli- vә disaxaridlәrin fosforolizini kataliz edәn vә heksoziltransferazalara aid fermentlәr tәşkil edir. Onlardan әn әhәmiyyәtlisi nişasta vә ya qlikogenin 1,4-qlükozid әlaqәlәrinin fosforolitik parçalanmasını kataliz edәn α-qlükanfosforilazadır. Heyvan toxumalarından kristal şәklindә ayrılmış α-qlükanfosforilaza – molekul kütlәsi 500000 olan fosfoproteiddir. Fermentin aktiv mәrkәzinә piridoksal-5-fosfat vә serinin fosforillәşmiş qalığı daxildir. α-Qlükanfosforilaza qlikogenin parçalanmasını vә utilizasiyasını kataliz edәrәk karbohidratların mübadilәsindә mühüm rol oynayır. 

F.-ın digәr qrupunu nukleozidlәrin fosforilizini kataliz edәn nukleozidfosforilazalar tәşkil edir.