FOSGEN (karbonilxlorid) − karbon turşusunun dixloranhidridi, C(O)Cl₂; rütubәtdәn çürümüş ot vә ya üfunәtli meyvә iyli rәngsiz qaz; t_әr. 118°C, t_qayn. 7,56°C. Suda pis, üzvi hәlledicilәrdә yaxşı hәll olur. F. karbon turşuları halogenanhidridlәrin xassәlәrinә malikdir. Qazşәkilli F. rütubәtli havada tәdricәn, maye fazada sürәtlә, qәlәvilәrin iştirakında ani hidroliz olunur. F. ammonyakla karbamid vә NH₄Cl; aminlәrlә şәraitdәn asılı olaraq alkil (aril) әvәzli karbamid vә izosianatlar; ikiatomlu fenollarla polikarbonatlar әmәlә gәtirir.

F. Fridel–Krafts reaksiyasına daxil olur. F.-in әsas alınma üsulu CO-in aktiv kömür üzәrindә 125–150°C-dә xlorlaşmasıdır. F. mühüm sәnaye mәhsuludur. Boyalar, polikarbonatlar, karbamid vә onun törәmәlәri, izosianatlar, susuz metal-xloridlәr, pestisidlәr, dәrman vasitәlәri, hәlledicilәr istehsalında xammal kimi tәtbiq edilir. Birinci Dünya müharibәsindә zәhәrlәyici maddә kimi istifadә edilmişdir. Ağ ciyәrin ödemini, göz vә selikli qişanın qıcıqlanmasını törәdir. Gizli tәsir dövrü 2–12 saatdır. Kumulyasiya xassәsinә malikdir. F.-dәn әleyhqazla müdafiә olunur.