FÓSSLER (Vossler) Karl (6.9.1872, Hoenhaym – 18.5.1949, Münxen) – alman dilçisi vә әdәbiyyatşünası. Dilçilikdә estetik idealizm mәktәbinin banisidir. Tübingen, Cenevrә, Strasburq, Roma, Heydelberq un-tlәrindә tәhsil almışdır. Heydelberq (1902), Vürtsburq (1909–10), Münxen (1911–37, 1945–47) un-tlәrinin prof.-u olmuşdur. F. vә onun tәlәbәlәrinin әsas әsәrlәri roman ölkәlәrinin görkәmli yazıçılarının üslubuna hәsr olunmuşdur. Roman dillәri vә әdәbiyyatlarına dair әsәrlәrin müәllifidir.

F. dilçilik vә әdәbiyyatşünaslığı fәlsәfә vә mәdәniyyәt tarixi ilә әlaqәlәndirirdi. Öz yanaşmasını estetik idealizm adlandıran F. pozitivist dilçiliyi, o cümlәdәn dili “verilmiş vә tamamlanmış bir şey” kimi nәzәrdәn keçirәn gәnc qrammatiklәri kәskin tәnqid edirdi. F. üçün dilin inkişafı sәbәblәri vә dilin yaradıcı xüsusiyyәti әn mühüm problemlәr olmuş vә o, bu istiqamәtdә K.V. fon Humboldtun ideyalarını davam etdirmişdir. Çoxlu tәlәbәsi vә ardıcılları olmuşdur (L.Şpitser, V.Klemperer vә b.).

Ə s ә r l ә r i: Sprache als Schöpfung und Entwicklung. Hdlb., 1905; Die romanischen Kulturen und der deutsche Geist. Darmstadt. 1963; Эстетический идеализм: Избр. работы по языкознанию. М., 2007.