FOTOMETRİK SİSTEM (astronomiyada) – dalğa uzunluqlarının fiksәedilmiş intervalları yığını – ulduz kәmiyyәtlәrinin vә ya astronomik obyektlәrin şüalanma sellәrinin ölçmәlәri aparılan fotometrik zolaq. F.s. astronomik obyektin enerjisinin spektral paylanmasını xarakterizә etmәyә imkan verir vә müәyyәn әyrilәri buraxan filtrlәr yığını şәklindә reallaşır. İlk F.s. ikirәngli olub, indi isә әsasәn çoxrәngli F.s.-dәn istifadә edilir.

Filtrin buraxma zolağının enindәn asılı olaraq genişzolaqlı (eni 50 nm-dәn çox), ortazolaqlı (eni 10–50 nm) vә darzolaqlı (eni 10 nm-dәn az) F.s. növü var. Genişzolaqlı sistemlәr enerjinin spektral paylanmasının yalnız ümumi xarakteristikasını verir, müşahidә edilәn obyektin parlaqlığı isә çox da önәmli deyil. Darzolaqlı sistemlәr enerjinin spektral paylanmasını әtraflı tәsvir etmәyә imkan verir, lakin tәkcә parlaq obyektlәrә tәtbiq edilir. Ortazolaqlı sistemlәr spektrin hәm ümumi formasını, hәm dә onun detallarını (intensiv spektral xәtlәri vә s.) xarakterizә etmәyә imkan verir. Bax hәmçinin Astrofotometriya.