FÖVQƏLADƏ QANUNVERİCİLİK – 1) fövqәladә vәziyyәtdә qüvvәdә olan vә hökumәtә fövqәdadә sәlahiyyәtlәr, o cümlәdәn hüquq normaları müәyyәn etmәk, ayrı-ayrı qanunların, göstәrişlәrin qüvvәsini dayandırmaq sәlahiyyәti verәn fövqәladә vә müstәsna qanunlar. Belә qanunvericilik aktları adәtәn parlament tәrәfindәn qәbul edilir, fövqәladә vәziyyәtin tәtbiq edildiyi müddәt әrzindә qüvvәdә olur, hәmin müddәt başa çatdıqdan sonra öz qüvvәsini itirir. 

2) Çox zaman fövqәladә şәraitlәrdә (kütlәvi iğtişaşlar, xarici tәcavüz, ekoloji fәlakәtlәr vә s.) icraedici hakimiyyәtin qәbul etdiyi aktlar (dövlәt başçısının fәrmanları, yaxud hökumәtin qәrarları, hәrbi şuraların vә başqa fövqәladә orqanların dekretlәri) da F. q. adlandırılır. F.q. konstitusiya normalarını, vәtәndaşların vә onların yaratdıqları birliklәrin hüquq vә azadlıqları mәhdudlaşdırır.

F.q. Azәrb. Resp.-nda “Fövqәladә vәziyyәt haqqında” Qanunla (8.6.2004) tәmsil olunur.