FÖVQƏLADƏ VƏZİYYƏT – ölkә әrazisindә müstәsna hallarda müәyyәn müd- dәtә elan edilәn vә asayişi qorumaq üçün xüsusi tәdbirlәrin tәtbiqinә imkan verәn xüsusi hüquqi vәziyyәt. 

F.v.-dә vәtәndaşların konstitusion hüquq vә azadlıqlarının, habelә mülkiyyәt formasından asılı olmayaraq bütün hüquqi şәxslәrin hüquq vә qanuni mәnafelәrinin qanuna müvafiq qaydada mәhdudlaşdırılmasına vә onların üzәrinә әlavә vәzifәlәr qoyulmasına yol verәn xüsusi sәlahiyyәtli orqanlar yaradılır, fövqәladә tәdbirlәr görülür, inzibati hakimiyyәt vә idarәçilik orqanlarının sәlahiyyәtlәri genişlәndirilir.

Azәrb. Resp. Prezidentinin konstitusiyaya müvafiq surәtdә dövlәtin mәnafeyinә uyğun olaraq F.v. elan etmәk sәlahiyyәti vardır. Azәrb. Resp.-nın “Fövqәladә vәziyyәt haqqında” (8.6.2004) qanununa görә, F.v.-in müddәti 60 gündәn çox ola bilmәz. Bu müddәt başa çatdıqda Azәrb. Resp.-nın Milli Mәclisinin qәrarı ilә lәğv edilir, yaxud 60 gündәn çox olmayan müddәtә uzadılır. F.v. Azәr. Resp.-nın bütün әrazisindә vә ya ayrı-ayrı yerlәrindә Prezidentin fәrmanı ilә tәtbiq edilir. F.v. elan edildikdә belә qәrarın sәbәblәri haqqında BMT-nin Baş katibinә vә Avropa Şurasına 3 gün
müddәtindә mәlumat verilmәsi üçün tәdbirlәr görülür.