FRAQONÁR (Fragonard) Jan Onore (5.4.1732, Provans, Qras – 22.8.1806, Paris) – fransız boyakarı vә qrafiki 1738 ildәn Parisdә yaşamışdır. J.B.S.Şardenin, sonra F.Buşenin (1749 ildәn) şagirdi olmuşdur. 1750-ci illәrin әvvәllәrindә F.-ın yaradıcılığı Buşenin dekorativ boyakarlığının tәsiri altında inkişaf etmişdir (“İerovoam bütlәrә tәzim edir”, 1752, Zәrif Sәnәtlәr Muzeyi, Paris, әsәr Roma mükafatına layiq görülmüşdür; “Musiqi yarışması”, tәqr. 1754, Uolles kolleksiyası, London). Luvr nәzdindәki Kral mәktәbindә (1753–56), sonra Romadakı Fransa Rәssamlıq Akademiyasında (1756–61) tәhsil almışdır. 1760–61 illәrdә Y.Roberlә İtaliyanı gәzmiş, “D’Este villasının parkı”, “D’Este villasında xiyaban” (Zәrif Sәnәtlәr Muzeyi, Bezanson) rәsmlәr silsilәsini işlәmişdir. 1761 ildә Parisә qayıtmışdır. “Korez vә Kalliroya” (1765, Luvr, Paris) әsәrinә görә Rәssamlıq Akademiyasına “daxil edilmişdir”. F. mifoloji (“Ovsunlanmış bağda Armidanın kabusu”, 1761–65, şәxsi kolleksiya) vә “zәrif” (“Yellәncәk”, 1767, Uolles kolleksiyası) janrlara; peyzaja (“Kiçik park”, tәqr. 1762– 63, Uolles kolleksiyası) üstünlük vermişdir. “Pamfili villasında şamağacılar (1773, Reyksmüseum, Amsterdam) qrafik seriyasının, “Mütaliә edәn qız” (tәqr. 1770, Milli qalereya, Vaşinqton), “Xәlvәti öpüş” (1780-cı illәrin sonu, Ermitaj, S.-Peterburq), “Mәhәbbәt fәvvarәsi” (1785, Uolles kolleksiyası) vә s. әsәrlәrin müәllifidir. J.L.Davidin tövsiyәsi ilә, 1793–1800 il- lәrdә Luvr Milli Muzeyinin mühafizi olmuşdur.

 J.Fraqonar. “Diana vә Endimion”. 1753–56. Milli İncәsәnәt Qalereyası. Vaşinqton.