FRANK Leonhard (4.9.1882, Vürtsburq – 18.8.1961, Münxen) – alman yazıçısı. Almaniya Demokratik Respublikası Milli mükafatı laureatı (1955). Münxendә rәnqkarlıq vә qrafika üzrә tәhsil almışdır. Birinci dünya müharibәsi әrәfәsindә nәşr olunan “Quldur dәstәsi” (1914) adlı ilk romanı ona geniş şöhrәt qazandırmışdır. 1915 ildә Almaniyanı tәrk etmiş, 1918 ilәdәk İsveçrәdә yaşamış, burada müharibә әleyhinә yazdığı “İnsan xeyirxahdır” (1917) hekayәlәr toplusunu çap etdirmişdir (әsәrә görә 1934 ildә nasistlәr tәrәfindәn Almaniya vәtәndaşlığından çıxarılmışdır). 1933–50 illәrdә mühacirәtdә (Fransa, B.Britaniya vә ABŞ-da) yaşamışdır. Onun sosializm ideyalarına rәğbәti vә kapitalizmdәn azad olmaq arzusu “Bürger” (1924) romanında ifadәsini tapmışdır. Sonrakı romanlarında da (“Karl vә Anna”, 1926; “Oksenfurt kişi kvarteti”, 1927; “Üç milyondan üç nәfәr”, 1932 vә s.) incә, tәsirli yumorla Almaniya әyalәtlәrindәki meşşanların, şәhәrin aşağı tәbәqәsinin real hәyatını, mәnәvi-әxlaqi dünyasını әks etdirmişdir. Faşizm әleyhinә “Matilda”(1948), “İsanın şagirdlәri” (1949) romanlarının müәllifidir. “Solda, ürәk tәrәfdә” (1952) avtobioqrafik romanı var. Ssenarilәri әsasında filmlәr çәkilmişdir. “Yad adam” pyesi Azәrb. sәhnәsindә tamaşaya qoyulmuşdur.

Ə s ә r l ә r i: Избранное. М.,1958; Причина. Повести и рассказы. М., 1969; Пьесы, М., 1972.