FRÉYLİQRAT (Freiligrath) Ferdinand (17.6.1810, Detmold – 18.3.1876, Ştutqart yaxınlığında Kanştatt) – alman şairi. Müәllim ailәsindә doğulmuşdur. İlk şeiri 1828 ildә çap olunmuşdur. Romantizmin tәsiri altında formalaşmış F.-ın poeziyası, son romantizm alman әdәbiyyatına ekzotika vә tәsirli tәzadlar ruhu gәtirmişdir. Avropaya әks dünya kimi Şәrqin parlaq vә fantastik lövhәlәri tәsvir olunan ilk poetik “Şeirlәr” (1839) toplusu ona uğur gәtirmişdir. İnqilabi ruhda yazılmış “İnam rәmzi” (1844), “Ça ira!” (1846) şeir toplularının müәllifidir. “Ölülәr–dirilәrә” (1848) şeirinә görә mәhkәmәyә cәlb olunmuşdur. K.Marksla tanış olmuş, “Yeni Reyn qәzeti” ilә әmәkdaşlıq etmişdir. 1851 ildә Londona mühacirәt etmәyә mәcbur olmuş, 1868 ilәdәk orada yaşamışdır. Almaniya imperiyasının yaranmasından sonra F. inqilabçılıq fәaliyyәtindәn uzaqlaşmış, Almaniyanı mәdh edәn vәtәnpәrvәr әhvali-ruhiyyәli şeirlәr yazmağa başlamışdır. Onun “Nurra, Germaniya!” (1871) şeiri populyar mahnıya çevrilmişdir. F. romantik poeziyanın tәrcümәçisi kimi dә tanınmışdır (R.Börns, V.Hüqo, A.de Müsse, H.Lonqfello ).

Ə s ә r l ә r i: Избр. произв., М., 1956; Стихи, в кн.: Европейские поэты ХIХ века. М., 1977.