FREZER, Freyzer (Frazier) Cozef Uilyam (Co) (12.1.1944, C. Karolina, Byüfort – 7.11.2011, Filadelfiya) – ABŞ idmançısı. Peşәkar boks tarixindә ağır çәki dәrәcәsindә әn güclülәrdәn biri. Üç dәfә ABŞ hәvәskar çempionatlarının qalibi (1962, 1963, 1964) olmuşdur. 1964 ildә Tokioda Olimpiya çempionu olmuş; 125 döyüş keçirmiş, onlardan 65-i nokaut olmaqla 120 qәlәbә qazanmışdır. 1965 ildәn peşәkar boksda; 37 döyüş keçirmiş, 27 nokaut olmaqla 32 qәlәbә qazanmışdır. F. rinqdә özünәmәxsus “sol huk” (sәrt gözlәnilmәz zәrbә) zәrbәsi ilә fәrqlәnirdi. 1971 ildә Nyu-Yorkda “әsrin döyüşü” adlandırılan döyüşdә Mәhәmmәd Əliyә xal hesabı ilә qalib gәlmiş; 1975 ildә yenidәn onunla döyüş keçirmiş (Manila yaxınlığında), lakin F.-in sağ gözünün zәdәlәnmәsi sәbәbindәn (sol gözü ilә görmürdü) 14-cü raunddan sonra döyüş dayandırılmışdır. Y.Daremin rәhbәrliyi altında mәşq etmişdir. 1981 ilin dekabrında karyerasını bitirmişdir. “Rokki” filminin baş qәhrәmanının prototipidir (1976). 1994 ildә “Mәlәklәrin mәskәni” filmindә çәkilmişdir.