FRİMEN Morqan (1.6.1937. Tennesi şt., Memfis) – Amerika kinoaktyoru, rejissor. Sәhnәdә debütü 8 yaşında olmuş, 12 yaşında radio-şouda iştirak etmişdir. 1955 ildә Missisipidәki Qrinvud Ali Mәktәbini bitirmiş, ABŞ hәrbi hava qüvvәlәrindә mexanik işlәmişdir. 1960-cı illәrin әvvәllәrindә fәhlә, sonralar Nyu-Yorkda rәqqas işlәmişdir. 1970-ci ilin әvvәllәrindә F.-nın “Elektrik kompaniyası” populyar televiziya serialında iştirak etmәsi onu çoxsaylı tamaşaçı auditoriyasına tanıtdırmışdır. Kinodebütü 1971 ildә “Kim deyir ki, mәn göy qurşağı üzәrindә gәzişә bilmәrәm?” filmindә olmuşdur. 9 il keçdikdәn sonra F. ikinci filmdә, – hәbsxana dramı “Brubeyker”dә iştirak etmәk üçün dәvәt almışdır. 1987 ildә “Küçә gәnci” filmindәki ikinci planlı әn yaxşı kişi, 1989 ildә “Miss Dezinin sürücüsü” filmindәki sürücü roluna görә “Oskar” mükafatına nominasiya olunmuşdur. 1991 ildә “Robin Qud oğruların şahzadәsidir” filmindә çәkilmişdir. 1992 ildә “Bağışlanılmayan” filmindә çәkilmiş vә “İlin әn yaxşı filmi” nominasiyasında, “Şouşenkadan qaçış” (1994) filmindә “İlin әn yaxşı aktyoru” nominasiyasında “Oskar”a layiq görülmüşdür. “Yeddi” filmindә polis rolu ona böyük müvәfәqiyyәt gәtirmişdir. Çәkildiyi başqa filmlәr: “Qızları öpәrkәn” (1997), “Amistad”, “Uçurumla qarşılaşma” (1998), “Betti bacı” (2000), “Vә hörümçәk gәldi” (2001), “Qorxunun qiymәti” (2002), “Yuxular ovçusu” (2003), “Hökmran Bryus” (2003) vә “Hökmran Evans” (2007), “Milyonluq körpә” (2004, “Oskar” mükafatı, ikinci planlı әn yaxşı aktyor), “Dünyaların müharibәsi” (2005), “Slevinin xoşbәxt rәqәmi” (2006), “Çox tәhlükәlidir” (2008), “Qara cәngavәr. Əfsanәnin canlanması” (2012), “Olimpin süqutu” (2013), “Hәyatın özü” (2014), “Son cәngavәrlәr” (2015), “Ben-Qur” (2016), “Hәyatdan lәyaqәtlә getmәk” (2017).