FRİŞ (Frisch) Maks (15.5.1911, Sürix – 4.4.1991, Sürix) – İsveçrә yazıçısı, dramaturq. Alman dilindә yazmışdır. Memar ailәsindә doğulmuşdur. 1930 – 32 illәrdә Sürix un-tindә tәhsil almış, lakin atasının ölümü ilә әlaqәdar tәhsilini yarımçıq qoymağa mәcbur olmuşdur; Sürix vә Bazel qәzetlәrindә müxbir işlәmişdir.1933 ildә Şәrqi Avropada olmuş, tәәssüratlarını sonralar özünün uğursuz hesab etdiyi “Yurq Reynhart” (1934) adlı ilk romanında әks etdirmişdir. 1940 ildә Sürix ali texniki in-tunun memarlıq fakültәsini bitirmışdır. Şәxsi memarlıq bürosuna rәhbәrlik etmişdir. 1951 ildә ABŞ-a getmiş, 1950-ci illәrin sonlarında vәtәninә qayıtmış vә әdәbi yaradıcılıqla mәşğul olmuşdur.

F. 20 әsrin әn görkәmli isveçrә yazıçısıdır. B.Brext teatrı, hәmçinin modernist nәsrin tәcrübәsi F.-in yaradıcılığına әhәmiyyәtli tәsir göstәrmişdir. Dәrin psixolo- gizmi ilә seçilәn yaradıcılığının mәrkәzindә burjua praqmatizmi vә standartlaşmanın tәntәnәsi şәraitindә әxlaqi seçim problemi dayanır. Meşşan hәyat tәrzi, riyakarlıq, bayağılıq, mәnәvi düşgünlük әsәrlәrinin әsas tәnqid hәdәfidir (“Ştiller”,1954; “Homo Faber”, 1957 vә s.). Cәsarәtli forma eksperimentlәri ilә fәrqlәnәn “Özümü Qantenbayn adlandıracağam” (1964) romanı yazıçıya böyük şöhrәt qazandırmışdır. “Biderman vә qızışdırıcılar” (tamaşası 1958), “Yenә dә onlar oxuyur” (1946), “Müharibә qurtaranda” (1949), “Don Juan, yaxud Hәndәsәyә mәhәbbәt” (1953), “Andorra” (1961) vә s. pyeslәrindә, әsasәn, ekzistensial vә sosial problemlәrdәn bәhs edilir. Publisistik mәqalә vә nitqlәrin (“Mәdәniyyәt alibi kimi”, 1949; “Maarifçiliyin sonunda qızıl sәrvәt durur”, 1986) müәllifidir. Bir çöx cәhәtdәn avtobioqrafik “Nә ki mәni yandırır, ona pәrәstiş edirәm, yaxud Çәtin adamlar” (1944), “İnsan Holosen dövründә meydana gәlir” (1979) vә antimilitarist “Ordusuz İsveçrә?” (1989 adlı povestlәri, çoxsaylı gündәliklәri (“Arxa çantasındakı vәrәqlәr”, 1940) var.

Ə s ә r l ә r i: Избранные произведения. В 3-х тт. М., 1991.