FRİÚLİ-VENÉSİYA-CÚLİYA (Friuli-Venezia Giulia) – İtaliyanın şm.-ş.-indә, Venesiya körfәzi sahilindә vil. Vil.-ә Triyest, Qoritsiya, Udine, Pordenone әyalәtlәri daxildir. Sah. 7,8 min km2. Əh. 1,2 mln. (2013). İnz. m. Triyest ş.-dir.
F.-V.-C. İtaliyanın әn inkişaf etmiş vilayәtlәrindәn biridir. Ərazisinin çox hissәsi dağlıq yerlәrdәn vә tәpәli düzәnliklәrdәn ibarәtdir. Düzәnliyin bulaqlarla zәngin aşağı hissәsi daha mәhsuldardır. K.t. mәhsullarından qarğıdalı, çovdar, şәkәr çuğunduru, tütün vә meyvә becәrilir. Dünyaca mәşhur bir çox şәrab növü vә qrappa istehsal olunur. Qaramal yetişdirilmәsi, donuzçuluq, yüksәkkeyfiyyәtli әt vә süd mәhsullarının istehsalı inkişaf etmişdir. Baramaçılıq üzrә Venetodan sonra ikinci yeri tutur. Sәnayenin aparıcı sahәlәri, әsasәn, Triest, Monfalkone, Pordenone vә Qoritsiyada cәmlәşmiş kimya sәnayesi, neft emalı vә gәmiqayırma, metallurgiya, mexanika z-dları vә s.-dir. Daha kiçik müәssisәlәrdә k.t. maşınları, toxuculuq dәzgahları, qәhvә emalı avadanlıqları, hәmçinin saatlar, qida mәhsulları, kağız vә mebel istehsal edilir. Balıq emalı sәnayesi inkişaf etmişdir.
