FROLÓV Konstantin Vasilyeviç (22.7.1932, Pesoçnaya qәsәbәsi, indiki Kaluqa vilayәtinin Kirov ş. – 18.11.2007, Moskva) – maşınşünaslıq vә maşınqayırma sahәsindә rus alimi, akad. (1984), Rusiya EA-nın vitse-prezidenti (1985–96), Sosialist Əmәyi qәhrәmanı (1990), B.Britaniyanın Kral Mühәndislik Akademiyası, ABŞ Milli Mühәndislik Akademiyası, İsveç Kral Mühәndislik Akademiyası vә s.-nin әcnәbi üzvü. Bryansk Nәqliyyat Maşınqayırması İn-tunu bitirmişdir (1956). 1961 ildәn SSRİ EA-nın (Rusiya EA) Maşınşünaslıq İn-tunda işlәmiş, 1975–2007 illәrdә oranın direktoru, 1987 ildәn onun tәşәbbüsü ilә yaradılmış “Maşınların etibarlılığı” Sahәlәrarası Elmi-Texniki Kompleksin baş direktoru olmuşdur. 1961–2007 illәrdә ali mәktәblәrdә pedaqoji fәaliyyәt göstәrmişdir. Tәdqiqatları müxtәlif texnoloji tәyinatlı mexaniki sistemlәrdә titrәyiş proseslәrinin öyrәnilmәsi vә s. sahәlәrdәdir. Orden vә medallarla tәltif edilmişdir.

Ə s ә r i: Вибрации в технике: Справочник: 6 т. М., 1978–1981 (hәmmüәlliflәrlә).