FROST Robert (26.3.1874, San-Fransisko – 29.1.1963, Boston) – amerikan şairi, publisist. Jurnalist ailәsindә doğulmuşdur. Dartmut (1892–93) vә Harvard (1897–99) un-tlәrindә oxumuş, lakin tәhsilini sona çatdırmamışdır. 1912–15 illәrdә B.Britaniyada yaşamışdır. E.Paund F.-un poeziyasını bәyәnmiş, onun “Oğlanın istәyi” (1913) adlı ilk poetik toplusunun çapına kömәk etmişdir. “Bostondan şimalda” (1914), “Nyu-Hempşir” (1923) topluları ilә şöhrәt qazanmışdır. F.-un fәlsәfiliyi vә antiurbanist pafosu ilә seçilәn әsәrlәrinә üslub vә dil sadәliyi ahәngdarlıq, lirizm vә poetik formaların (ballada, pastoral vә s.) әnәnәviliyi xasdır: “Uzaq aşırım” (1936), “Şahid ağac” (1942), “Talada” (1962) vә s. F.-un yaratdığı poetik alәmin realistliyi onu әn sevilәn ABŞ şairlәrindәn biri etmişdir. Dram әsәrlәrinin, xatirә dәftәrinin, çoxsaylı yazışmaların müәllifidir. Pulitser mükafatına layiq görülmüşdür (1924, 1931, 1937, 1943). Bәzi şeirlәri Azәrb. dilinә tәrcümә edilmişdir.

Ə s ә r l ә r i: Cтихи. М., 1986; Другая дорога.М., 1999.