FTALİMİD, o-f t a l t u r ş u s u n u n i m i d i, i z o i n d o l i n-1,3-d i o n – üzvi birlәşmә. Rәngsiz kristal maddә, tәr. 238°C (sublimasiya ilә). Suda pis, sirkә turşusu, etanol vә qәlәvilәrin sulu mәhlullarında yaxşı hәll olur, soyuq benzolda, liqroindә hәll olmur.
F. dikarbon turşuların imidlәri üçün xarakterik olan xassәlәrә malikdir. Belә ki, 25%-li NaOH mәhlulunun tәsirindәn ftalamin turşusu әmәlә gәtirmәklә asan hidroliz olunur, spirtlәrlә alkillәşmәsindәn N-alkil әvәzli törәmәlәri, ammonolizindәn ftal turşusunun diamidi alınır. F. zәif turşudur. Qәlәvilәrlә qarşılıqlı tәsirindәn suda hәll olan N-metal törәmәlәri alınır ki, bunlardan F.-in kalium duzu praktiki әhәmiyyәt kәsb edir. F. halogenlәrlә N-halogen әvәzli birlәşmәlәr әmәlә gәtirir. F.-in natrium-hipoxloritlә oksidlәşmә reaksiyası antranil turşusunun sәnayedә alınma üsuludur. Sәnayedә F., әsasәn, ftal anhidridinin NH3 ilә qarşılıqlı tәsirindәn alınır. F. sәnayedә antranil turşusu vә pestisidlәrin sintezindә istifadә edilir.
