FTALSİANİN BOYALARI – tetrabenzotetraazoporfirinin (ftalsianinin) törәmәlәri vә metallarla kompleks birlәşmәlәri. F.b-ndan mis ftalsianin geniş istifadә olunur (mavi rәngli piqment kimi).

F.b.-nın tәtbiqi üçün onların polimorfizmi vacibdir, mәs., mis ftalsianinin rәngi vә üzvi hәlledicilәrdә davamlılığına görә fәrqlәnәn α-, β- vә γ- modifikasiyaları mәlumdur.

Mis ftalsianin katalizator iştirakı ilә ftal anhidridi, karbamid vә mis xloridin (CuCl), yaxud ftaldinitril ilә CuCl₂-in qarşılıqlı tәsirindәn alınır. Sonradan α- vә γ-formaları almaq üçün mis ftalsianin müvafiq olaraq 98 vә 60%-li sulfat turşusunda hәll edilәrәk tәkrar çökdürülür; β-forma üzvi hәlledicilәrin vә NaCl (vә ya Na₂SO₄) iştirakı ilә mis ftalsianinin mexaniki xırdalanmasından alınır. Suda hәll olan bir-başa F.b. mis ftalsianinin sulfolaşmasından alınır. Firuzәyi rәngli aktiv boyaq maddәlәri mis ftalsianinin dörd SO₂Cl qrupu daxil edәrәk, sonradan onların aktiv qruplara malik aromatik aminlәrlә amidlәşmәsindәn sintez olunur. Alsianlar vә ya sianallar adlanan, suda hәll olan F.b. mis ftalsianin izotiuronium duzlarıdır; onlar mis ftalsianinә әvvәlcә paraformaldehid vә xlorid turşusu, sonra tetrametilkarbamid ilә tәsir etmәklә alınır.