FUAD I, Ə h m ә d   F u a d (26.3.1868, Qahirә – 28.4.1936, Qahirә) – Misir dövlәt vә siyasi xadimi. Misir xәdivi İsmayıl paşanın oğludur. İlk tәhsilini Qahirәdә almış, atası vәzifәsindәn azad edilәrәk sürgünә göndәrildikdәn sonra tәhsilini İsveçrә vә İtaliyada davam etdirmişdir. 1885 ildә İtaliya Hәrbi Akademiyasına daxil olmuş, 1887 ildәn İtaliya ordusunda qulluq etmişdir. 1892 ildә Misirә qayıtmış, Qahirә Un-tinin rektoru (1908–13) olmuşdur. 1917 ilin oktyabrında B.Britaniya hökumәti tәrәfindәn Misir sultanı tәyin edilmişdir. Lakin I F. tezliklә ingilis ağalığına qarşı mübarizәyә qoşulmuşdur. 1922 ilin fevralında İngiltәrә Misirin müstәqilliyini tanıdıqdan sonra I F. kral elan edilmişdir. 1923 il aprelin 19-da qәbul olunmuş konstitusiyaya görә, Misir ikipalatalı parlamentә malik konstitusiyalı monarxiya dövlәtinә çevrilmişdi. 1930 ildә kral hakimiyyәtini möhkәmlәndirmәyә çalışan I F. 1923 il konstitusiyasını parlamentә yalnız mәslәhәtçi rol verәn yeni konstitusiya ilә әvәzlәsә dә, ictimaiyyәt tәrәfindәn tәzyiqlәrә mәruz qalmış, 1935 ildә әvvәlki konstitusiyanı bәrpa etmişdir. Ölümündәn sonra hakimiyyәtә yeganә oğlu Faruq gәlmişdir.

I F.-ın dövründә Misir bankı yaradılmış, tәhsil vә mәdәniyyәt sahәsindә әhәmiyyәtli nailiyyәtlәr әldә olunmuşdur.