FUÉNTES Karlos (11.11.1928, Panama – 15.5. 2012, Mexiko; Parisdә dәfn olunmuşdur) – Meksika yazıçısı, jurnalist, ictimai xadim. Panamada xidmәt edәn diplomat ailәsindә doğulmuşdur. Meksika Milli Muxtar Un-tini bitirmiş (1952), Cenevrә Beynәlxalq Münasibәtlәr İn-tunda oxumuşdur. XİN-in beynәlxalq münasibәtlәr şöbәsindә diplomat, Fransada sәfir (1975–77) işlәmişdir. Harvard, Prinston, Kolumbiya vә digәr un-tlәrdә әdәbiyyat tarixini tәdris etmişdir. “Gizli günlәr” (1954) adlı hekayәlәr kitabı әdәbi debütü olmuşdur. “Ən saf hava zonası” (1958), “Tәmiz vicdan” (1959), “Artemio Krusun ölümü” (1962) romanları Meksika әdәbiyyatında realist nәsrin tәşәkkülündә mühüm rol oynamışdır. “Dәrinin dәyişilmәsi” (1967), “Ad günü” (1969) romanlarında avanqardizm meyillәri nәzәrә çarpır. “Uzaq ailә” (1980) romanı, “Bütün pişiklәr bozdur” (1970), “Çәpgöz kral” (1971), “Şәfәqin tәntәnәsi” (1991) vә s. pyeslәri, çoxsaylı әdәbi-tәnqidi esselәri, o cümlәdәn “Yeni ispan-amerikan romanı” (1969), kinossenarilәri var. “Adәm cәnnәtdә” (2009) sonuncu romanında Meksika cәmiyyәtinin sosial problemlәrindәn bәhs edilir.

Ə s ә r l ә r i: Край безоблачной ясности. М., 1980; Замаскированные дни. Аура. Кукла-королева. Смерть Артемио Круса. Рассказы, повести и романы, М.; Екатеринбург, 2001.