FUKUİ Keniti (4.10.1918, Nara – 9.1.1998, Kioto) – yapon fiziki-kimyaçısı, Yaponiya EA üzvü (1983), London Kral Cәmiyyәtinin әcnәbi üzvü (1989), Nobel mükafatı laureatı (1981, R.Hofmanla birlikdә). Kioto Un-tini bitirmiş (1941) vә orada işlәmişdir (1943-82, 1951 ildәn prof.). Kioto Texnologiya İn-tunun (1982-88), Fundamental Kimya İn-tunun (1988-98), Yaponiya Kimya Cәmiyyәtinin (1983-84) prezidenti olmuşdur. Əsas tәdqiqatları kvant kimyasına hәsr olunmuşdur. Sәrhәd molekulyar orbitallar nәzәriyyәsini tәklif etmişdir (1952); bu nәzәriyyәyә görә yüksәk dolmuş vә aşağı boş orbitalların simmetriyasını vә elektron sıxlığının paylanmasını tәhlil etmәklә bimolekulyar kimyәvi proseslәrin yerinә yetirilmәsinin nisbi ehtimalını qiymәtlәndirmәk olar. Nәzәriyyә kvant-kimyәvi hesablamaların kömәyi ilә kimyәvi birlәşmәlәrin reaksiya qabiliyyәtini әvvәlcәdәn söylәmәyә imkan verir. 1970-ci illәrdә bu nәzәriyyәni çoxmәrkәzli aktivlәşdirilmiş komplekslәrlә gedәn reaksiyalara vә katalitik reaksiyalara tәtbiq etmәklә inkişaf etdirmişdir.