FUQU, takifuqu (Takifuqu) – qayadişlilәr fәsilәsindәn balıq cinsi. Bәdәninin uz. 80 sm-әdәk olub, üzәri tikanlarla örtülüdür. Tәhlükәli hallarda mәdәsini su vә hava ilә dolduraraq bәdәninin ölçülәrini vә formasını dәyişә bilir. Qara ciyәrindә vә yumurtalıqlarında, az miqdarda dәrisindә vә toxumluqlarında tetrodotoksin zәhәri var. 25 növü mәlumdur. Əsasәn Sakit okeanın şm.-q. hissәsindә yaşayır, Hind–Sakit okean regionunun şirinsulu çaylarında rast gәlinir. Hәrşeyyeyәndir. Başlıca olaraq Yaponiyada yeyilir. Qonur qayadiş, yaxud qırmızı qarnıtikanlı fuqu (Takifuqu rubripes; bәdәninin uz. adәtәn 40 sm-әdәk) әn çox öyrәnilmişdir. Onun bel üzgәcindә 16–19, anal üzgәcindә 13–16 yumşaq şüa vardır. Əti zәhәrli deyil.

Qonur qayadiş fuqu (Takifugu rubripes).