FUNDAMENTAL ARDICILLIQ (K o ş i   a r d ı c ı l l ı ğ ı, özünә yığılan ardıcıllıq) – Koşi şәrtini ödәyәn {x_n}_n≥1 ardıcıllığı; istәnilәn ε > 0 üçün elә N var ki, bütün n > N, m >N-lәr üçün |x_n – x_m| < ε bәrabәrsizliyi ödәnir; burada {x_n}_n≥1  ardıcıllığının elementlәri hәqiqi vә ya kompleks әdәdlәr, yaxud metrik fәzanın nöqtәlәridir, |x_n – x_m|| – x_n vә x_mnöqtәlәri arasındakı mәsafәdir. 

İstәnilәn yığılan ardıcıllıq F.a.-dır. Hökmün tәrsi (istәnilәn F.a.-ın limiti var) doğru olduğu fәza t a m   f ә z  a adlanır. Mәs., Evklid fәzası tam fәzadır. Rasional әdәdlәr çoxluğu tamlıq xassәsinә malik deyil. Mәs., √2 әdәdinin onluq yaxınlaşmaları olan{r_n}_n≥1 ardıcıllığı F.a.-dır, lakin rasional әdәdlәr çoxluğunda limiti yoxdur.

Normalaşdırılmış fәzanın elementlәrindәn ibarәt {x_n}_n≥1 F.a.-ının tәyinindә|x_n – x_m| әvәzinә ||x_n – x_m|| istifadә olunur, burada ||·|| – bu fәzadakı normanı ifadә edir (göstәrir). Tam normalaşdırılmış fәza B a n a x   f ә z a s ı adlanır. İstәnilәn normalaşdırılmış fәzanı Banax fәzasınadәk tamamlamaq olar.