FUNK Kazımej (23.2.1884, Varşava – 20.11.1967, Nyu-York) – polyak biokimyaçısı. Bern Un-tini bitirmişdir (doktorluq dәrәcәsi, 1904). Paster İn-tunda (1904–06), Berlin Un-tindә (1906–07, 1909–11), Lister İn-tunda (London, 1911–12), sonra ABŞ-da xüsusi firmalarda işlәmişdir. 1923 ildәn Varşavada Rokfeller fondunun biokimya şöbәsinin direktoru, 1936 ildәn Nyu-Yorkda Vitaminlәr İn-tunun mәslәhәtçisi, 1953 ildәn Funk Elmi Fondun prezidenti işlәmişdir. Əsәrlәri, әsasәn, qidalanma biokimyası, hormonlar kimyası üzrәdir. 1912 ildә ilk vitamin preparatını ayırmış vә elmә “vitamin” terminini daxil etmişdir.

Ə s ә r i: Витамины, 3-cü nәşr. M.; L., 1929.