FURYE SPEKTROSKOPİYASI – elektromaqnit şüalanma spektrinin geniş tezlik diapazonunda (radioşüalanmadan optik, xüsusi halda İQ-şüalanmaya qәdәr olan diapazonda) öyrәnilmәsi metodları toplusu. Optik F.s. metodunda furye-spektrometrdәn istifadә edilir. Onun әsas elementi Maykelson interferometridir; interferometrin güzgülәrindәn biri ölçmә prosesindә yerini dәyişir. Mәnbәnin şüalanmasının fiksә edilmiş tezliyindә işığın intensivliyi fokal müstәvidә fotoqәbuledici tәrәfindәn qeyd edilir. Güzgülәrdәn birinin u sürәtilә yerdәyişmәsi zamanı interferensiya edәn dalğaların yollar fәrqi dәyişir vә bununla bәrabәr intensivlik dә aşağıdakı qanunla dәyişir:

I (t) = J (ω)[1 + cos(2u ωt/c)],

burada c – işığın sürәtidir. Fotoqәbuledicinin qeydә aldığı intensivliyin dәyişmәsi Ω = 2u ω /c tezlikli harmonik qanunla baş verir, yәni mәnbәnin ω şüalanma tezliyinә fotocәrәyanın Ω dәyişmә tezliyi uyğun olur. Optik mәnbәnin şüalanma spektri qәbuledicidәn axan cәrәyanın spektrinә çevrilir, yәni yüksәk optik tezliklәrdәn intensivliyin modulyasiyasına uyğun aşağı tezliklәrә keçilir.

F.s. metodu spektrin İQ oblastında daha effektlidir. F.s. metodları nüvә maqnit vә elektron paramaqnit rezonansların spektroskopiyasında da tәtbiq edilir.