FÜZULİ (1959 ilәdәk Q a r y a g i n ) – Azәrb. Resp.-nda şәhәr. Füzuli r-nunun mәrkәzi. Horadiz d.y. st.-ndan 32 km, Bakıdan 314 km aralıdır. Köndәlәnçayın sağ sahilindә, maili düzәnlikdәdir. Əh. 24,9 min (2018).

Qarabulaq k.-nin yerindә salınmışdır. 1827 ildәn rusların forpostuna çevrilmiş F. Qaryagin (rus polkovniki P. Karyaginin şәrәfinә) adlandırılmış vә şәhәr statusunu almışdır. 1905 ildәn Qaryagin qәzasının inzibati mәrkәzi idi. 1912 il “Qafqaz tәqvimi”nin mәlumatına әsasәn Yelizavetpol qub.-nın Qaryagin qәzasına daxil olan şәhәrin 550 nәfәr sakini (әsasәn, ruslar) var idi. 1959 ildә görkәmli Azәrb. şairi Mәhәmmәd Füzulinin şәrәfinә F. adlandırılmışdır. 1989 ildә әhalisinin sayı 17090 nәfәr olmuşdur. 1993 il avqustun 23-dәn Ermәnistan ordusunun işğalı altındadır. Tarixi abidәlәrdәn Hacı Əlәkbәr mәscidi (17 әsr), dәyirman vә körpü (19 әsr) var.

İşğaldan әvvәl (1993) şәhәrdә 9 mәktәbәqәdәr tәhsil müәssisәsi, 9 ümumtәhsil mәktәbi, Sәnaye Texnikumunun Füzuli filialı, 5 klub, 5 kitabxana, 2 muzey fәaliyyәt göstәrmişdir.