FYÓDOROV Yevgeni Konstantinoviç (10.4.1910, Bessarabiya qub. – 30.12.1981, Moskva) – rus geofiziki, SSRİ EA akad. (1960). SSRİ Dövlәt mükafatı laureatı (1946, 1969). Sovet İttifaqı qәhrәmanı (1938), gen.-l. (1944; 1947 ildә bu rütbәdәn mәhrum edilmişdir). Leninqrad Dövlәt Un- tini bitirmişdir (1932). 1932–38 illәrdә qütb st.-larının elmi әmәkdaşı olmuşdur; 1938– 39 illәrdә Arktika Elmi-Tәdqiqat İn-tunun direktoru, 1939–47 vә 1962–74 illәrdә SSRİ Hidrometeoroloji xidmәtinin rәisi vәzifәlәrindә işlәmişdir; 1947–55 illәrdә SSRİ EA Geofizika İn-tunda çalışmışdır; 1956–69 vә 1974–81 illәrdә SSRİ Hidrometeoroloji Dövlәt Komitәsinin Tәtbiqi Geofizika İn-tunun tәşkilatçısı vә direktoru, 1959–62 illәrdә SSRİ EA Rәyasәt Heyyәtinin baş elmi katibi olmuşdur. Əsas işlәri Arktikada geofiziki sahәlәrin tәdqiqi, buludların su balansı, meteoroloji proseslәrә süni tәsir, atm.-in üst qatlarının Yerin süni peyklәri vasitәsilә öyrәnilmәsi, әtraf mühitin çirklәnmәsi sahәlәri üzrәdir. İctimai vә dövlәt xadimi. 1979–81 illәrdә Sülhü Müdafiә Komitәsi Şurasının sәdri olmuşdur. 6 Lenin ordeni, Oktyabr İnqilabı ordeni vә digәr orden vә medallarla tәltif edilmişdir. Kara dәnizindәki adalara onun adı verilmişdir.

Ə s ә r l ә r i: Глобальные исследования атмосферы и прогноз погоды. М., 1971; Взаимодействие общества и природы. Л.,1972.