GE HUN, G e   Ç j i ç u a n (tәxәllüsü Baopu-szı – “İlkin sadәliyi әhatә edәn müәllim”; lәqәbi Syan-ven – “Ölümsüz qoca”) (283, yaxud 284, Szyuyjun qәzası, indiki Szyansu әyalәti, Danyan – 343, yaxud 363, indiki Quançjou ş.-nin yaxınlığındakı Lofuşan d.) – Çin filosofu vә alimi, әlkimyaçı, hәkim, daosizmin nümayәndәsi. Konfutsiçilik tәliminә yiyәlәnmişdir.  “Baopu-szı” (317–320) klassik traktatının müәllifidir. Dünyanın vahid “sirli” mahiyyәti kimi Dao yolu haqqında tәsәvvürlәrә әsaslanmış G.H. “ömrü yetişdirәn” meditasiya vә tәnәffüs mәşqlәri, orqanizmin energetik saxlanclarında (“kinovar sahәlәri”ndә) konsentrasiya olan pnevma (çi) ilә psixofizioloji manipulyasiya, elәcә dә ölümsüzlük iksirini yaradan üzvi vә qeyri-üzvi maddәlәrlә (ilk növbәdә qızıl vә kinovarla) farmakoloji vә әlkimya prosedurları vasitәsilә fiziki ölümsüzlüyün müxtәlif növlәrinә çatmağın mümkünlüyü haqqında tәlim yaratmışdır. Bao Sinyanyanın tәbii anarxiyası nәzәriyyәsilә polemikada şәxsiyyәtin “daxili” gözәlliyinin “zahiri” tәzahürü kimi sosial iyerarxiya vә dövlәt hakimiyyәti Konfutsi prinsiplәrini müdafiә etmişdir.

Ə s ә r i: Alchemy, medicine and religion in the China of A.D. 320: the Nei P’ien of Ko Hung / Transl.and ed. by J.R.Ware. N.Y.; L.,1981.