GECƏÇİÇƏYİ (Mirabilis) – gecәçiçәyi fәsilәsindәn bitki cinsi. Çiçәklәri bir vә ya bir neçә çiçәyi әhatә edәn 5–4 bölümlü kasacıqvarı әsaslı, sarğısı olan çoxçiçәkli, çәtirvarı çiçәk qrupunda toplanmışdır. Çiçәkyanlığı zınqrovvarı vә ya qıfvarıdır. 3– 5 erkәkciyi var. Soğanaqvarı yoğunlaşmış kökü olan vә yarpaqaltığı olmayan, qarşı-qarşıya düzülmüş sadә yarpaqlı çoxillik otlardır. Mirabilis cinsinә 24 növ daxildir, Şimali vә Cәnubi Amerikada yayılmışdır. Amerikadan gәtirilәrәk әkilmiş, bir çox hallarda yabanılaşmışdır. Azәrb.-da 2 növü var: Gecәgözәli (M. jalapa), Gecәçiçәyi (M. nyctaginea). Abşeronda vә Azәrb.-ın bir çox r.-nlarında bağ vә parklarda, çiçәkliklәrdә dekorativ bitki kimi becәrilir. Zınqrovvarı qırmızı rәngli çiçәklәri diqqәti cәlb edir. Toxumla çoxalır.
Gecәgözәli gecәçiçәyi (Mirabilis jalapa).
