GEDDES Patrik (2.10.1854, Ballater, Aberdin, Şotlandiya – 17.4.1932, Monpelye, Fransa) – şotland şәhәrsalma nәzәriyyәçisi, memar, sosioloq. Biologiyanı Londonda T.Q. Hekslidәn öyrәnmiş, 1880–1919 illәrdә Dandi un-tindә botanikadan dәrs demişdir (1889 ildәn prof.). Edinburqda sosial problemlәri öyrәnәn yay mәktәbindә işlәmişdir (1887–99). Ramzey-hardens (1893) kooperativ yaşayış evi, Edinburq un-tinin “Ramzeyloc” özünüidarә zalı (1894) onun layihәsi әsasında inşa olunmuşdur. 1910 ildә Londonda ilk beynәlxalq şәhәrsalma konfransını (sәrgi ilә birlikdә) tәşkil etmişdir. Londonda o, Şәhәrsalma in-tunun yaradıcılarından (1914) biridir. 1915 ildәn Hindistanda şәhәrlәrin (Çennai, Mumbai, Kәlkәttә vә s.) problemlәrini öyrәnmiş, hәmçinin Fәlәstindә işlәmişdir. G. 1930 ildә Monpelyedә, sonralar regional planlaşdırma, ekologiya vә sosiologiya üzrә kompleks tәdqiqatlar mәrkәzinә çevrilmiş Şotland kollecini yaratmışdır. Əsәrlәrindә [“Şәhәrlәrin inkişafı” (“City development”, 1904), “Şәhәrlәrin tәdrici inkişafı” (Cities in evolution”, 1915 vә s.] cәmiyyәtin inkişafının әtraf mühitlә qarşılıqlı әlaqәsini darvinizm prinsiplәri әsasında araşdırmışdır. G-in ideyaları R.Envin, L.P.Aberkromb, M.Y.Ginzburq vә başqa görkәmli urbanistlәrin vә memarların yaradıcılığına tәsir etmişdir.