GEDRÓYTS Konstantin Kaetanoviç (6.4.1872, Bessarabiya qub., Benderı ş. (indiki Moldova) – 5.10.1932, Moskva) – rus torpaqşünası vә aqrokimyaçısı. SSRİ EA-nın (1929), Ukr. SSR EA-nın akad. (1930). Hәrbi hәkim ailәsindә doğulmuşdur. S-Pb. Meşә İn-tunu (1897) vә S-Pb. Un-tinin fizika-riyaziyyat fakültәsinin tәbiәt şöbәsini bitirmişdir (1903). Əkinçilik nazirliyinin vә V.V.Dokuçayev ad. Torpaq Komitәsinin kimya laboratoriyalarına (1915–17), Petroqraddakı Meşә İn-tunun torpaqşünaslıq kafedrasına (1917–30) rәhbәrlik etmişdir. V.V.Dokuçayev ad. Torpaq İn-tunun direktoru (1929–30), Beynәlxalq torpaqşünaslar assosiasiyasının prezidenti (1927 ildәn) seçilmiş, 2-ci Beynәlxalq torpaqşünaslar konqresinin prezidenti olmuşdur. Torpaqların kolloid kimyasının banisidir. “Torpağın uducu kompleksi” anlayışını elmә daxil etmiş, torpağın müxtәlif udma qabiliyyәti növlәrini (mexaniki, fiziki, kimyәvi, biol. vә s.) müәyyәnlәşdirmişdir. Torpağın udma qabiliyyәtinin fәrqliliyinә әsaslanan (kationlarla doymamış, Ca, Na vә s. ilә doymuş torpaqlar) torpaq tәsnifatını işlәyib hazırlamışdır. Torpaqların morfoloji vә kimyәvi xassәlәrinin qarşılıqlı әlaqәsini ilk dәfә göstәrmişdir. Şorakәtlәşmiş torpaqların tәkamül prosesini kimyәvi nöqteyi-nәzәrdәn aydınlaşdırmışdır. Torpağın gipslәnmәsi vә әhәnglәşdirilmәsinin әsaslarını hazırlamışdır. V.İ.Lenin ad. mükafatı almışdır (1927).

Ə s ә r l ә r i: Учение о поглотительной способности почв. 5–ое изд. М.,Л.. 1935; Химический анализ почв, 5–ое изд. М., 1955; Избр. Соч.. В 3 т, М., 1955; Избр. Научныe труды. М..1975.