GEKKÓNCALAR – Şimali Asiya gekkoncaları (Alsophylax), gekkonlar fәsilәsinin kәrtәnkәlәlәr cinsi. Uz. 50 mm-ә qә- dәrdir. Barmaqları düz, yaxud azca әyilmiş, silindrşәkillidir, yapışdırıcı lövhәlәri yoxdur. Gövdәsi, boynu vә quyruğunun әsası üstdәn daha iri, qabarıq, hamar vә ya çıxıntılı qabarcıqlarla qarışmış xırda, yastı pulcuqlarla örtülmüşdür. Göz bәbәyi şaqulidir, kәnarları dişlidir. 5 növü var, Mәrkәzi vә Orta Asiyanın quraqlıq r.-larında yayılmışlar. G. sıldırım yamaclarda, saksaul cәngәlliklәrindә, bitki örtüyü az olan daşlıq, çınqıllı vә gilli torpaqlarda, bәzәn dә bәrk qumsallıqlarda yaşayırlar. Əsasәn, gecәlәr fәal olur. Cücülәrlә qidalanırlar. 1 (bәzәn 2) yumurta qoyur.

Ciyildәyәn gekkonca (Alsophylax pipiens).