GELAOLAR, s i l a o l a r, k e l a o l a r, i l a o l a r, t x u l a o l a r (özlәrini t x y u, yaxud t x i adlandırırlar) – Çinin c.-unda xalq. Sayları 55 min nәfәrdir. Hәmçinin Vyetnamda yaşayırlar (1,3 min nәfәr). Dillәri paratay dil ailәsinin gelao qrupuna aiddir. Çin dili dә yayılmışdır. Ənәnәvi inanclarını saxlayırlar.

 Ənәnәvi geyimli gelao qızı.

Qәdim Çin mәnbәlәrindә qeyd olunan vә mәdәniyyәtinә görә hind-Çin xalqlarına, bir sıra әlamәtlәrinә görә isә Avstroneziya a-rı xalqlarına yaxın olan laolar G.-ın әcdadları hesab edilir. G. çinlilәr, çjuanlar, dunlar vә digәr paratay xalqlarının tәsiri altında qismәn assimilyasiyaya uğrayırlar.

Əsas mәşğuliyyәtlәri suvarma çәltikçiliyidir. Metalişlәmәnin, palma lifindәn, otdan vә çәtәnәdәn toxuculuğun, naxıştikmәnin qәdim әnәnәlәri qorunub saxlanılmışdır. Yaşayış mәskәnlәri dağınıq şәkildәdir. Yerüstü düzbucaqlı evlәrin divarları qamışdan, döşәmәsi isә torpaqdandır; keçmişdә dirәküstü evlәr dә mövcud idi. Geyimlәri qonşu xalqların (myaolar vә b.) geyiminә oxşardır, lakin zәngin naxıştikmә ilә fәrqlәnir. Qidalarının әsasını düyü vә qarğıdalı tәşkil edir. Kiçik ailә, levirat, kuvada adәti, “Ay rәqslәri” , ruhlara sitayiş vә şamanizm yayılmışdır.