GELENBEVİ Baha (7.1.1907, İstanbul – 7.8.1984, orada) – türk kinorejissoru, fotoqraf. Fransada Valabre Ali Əkinçilik Mәktәbini bitirmiş (1928), Parisdә film studiyalarında çalışmağa başlamışdır (1929–36). Xәbәrlәrdә operator kimi çalışmışdır. İkinci dünya müharibәsi (1939) başlayanda Türkiyәyә qayıtmışdır. 1943 ildә “Dәrdli çeşmә” filminin operatoru olmuş, 1944–58 illәrdә rej. kimi silsilә filmlәr çәkmişdir. Avropada müasir kinonun texnikasını mükәmmәl öyrәndikdәn sonra onu türk kinosuna tәtbiq etmәyә başlamışdır. Bu sahәdә çalışmalarına görә Beynәlxalq Foto Sәnәti Federasiyası (FİAP) tәrәfindәn “Honefiap” mükafatı ilә tәltif olunmuşdur (1983). Müxtәlif jurnallarda kino sәnәti haqqında nәzәri yazılarla yanaşı, G. әsl peşәsi olan әkinçiliklә bağlı “Quru meyvәçilik” (1939) vә kino ilә әlaqәdar “Filmin rejissor assistenti” (1983) bәlәdçi kitablarını yazmışdır. Çәkdiyi әsas filmlәr: “Dәniz qızı” (1944), “Yanıq tütәk” (1946), “Divanә qadın” (1947), “Qanlı döşәk” (1949), “Barbaros Xeyrәddin paşa” (1951), “Boş beşik” (1962), “Min ikinci gecә vә ya balıqçı gözәli” (1954), “Günahkarlar cәnnәti” (1958) vә s.