GENERAL-QUBERNATOR – 1) Avropa dövlәtlәrinin (B.Britaniya, İspaniya, Portuqaliya, Fransa vә s.; B.Britaniyanın Hindistanı idarә edәn G.-q.-u hәm dә vitse-kral rütbәsi daşıyırdı) müstәmlәkә vә dominionlarını, İsveçin Şimali Almaniyada vә Şәrqi Baltikayanıda (17 әsr – 19 әsrin başlanğıcı) “dәnizaşırı müstәmlәkәlәri”ni, Koreya vә Tayvanı (19 әsrin sonları – 1945) yapon imperatoru adından idarә edәn vәzifәli şәxs; alman general-qubernatorluqlarında ali vәzifәli şәxs, canişin (19–20 әsrlәr). Müasir dövrdә dünyanın bir sıra ölkәlәrindә (Avstraliya, Kanada, Yamayka vә s.) G.-q. ali vәzifәli şәxs olaraq dövlәtin idarәçiliyindә mühüm rol oynayır vә formal surәtdә silahlı qüvvәlәrin ali baş komandanı hesab edilir.

2) Çar Rusiyasında 1703–75 illәrdә çara yaxın vә aristokrat nәsillәrdәn olan bәzi qubernatorların fәxri adı. Quberniya islahatına (1775) әsasәn, yerli idarәçiliyә başçılıq edәn ali mәmur. Fevral inqilabından (1917) sonra G.-q. vәzifәsi lәğv olunmuşdur.