GENİN Abram Moiseyeviç (12.5.1922, Mogilyov vil. Klimoviçi ş.–7.6.1999, Moskva) – rus kosmik biologiyasının vә aviakosmik tibbin banilәrindәn biri. SSRİ Dövlәt mükafatı laureatı (1978). SSRİ Əmәkdar elm xadimi (1972). Beynәlxalq Astronavtika akademiyasının hәqiqi üzvü (1977 ildәn). İkinci Moskva Tibb İn-tunun hәrbi fakültәsini bitirmişdir (1943). 1943–45 illәrdә aviasiya hücum alayının böyük hәkimi olmuşdur.1956 ildәn SSRİ Müdafiә nazirliyinin Aviasiya vә kosmik tibb İn-tunda, 1975 ildәn SSRİ Sәhiyyә nazirliyi ibbi-bioloji problemlәr İn-tunda kosmik fiziologiya vә tibb üzrә iri layihәlәrә rәhbәrlik etmişdir. Elmi-praktik fәaliyyәtinin әsas istiqamәtlәri raketlәrdә vә yerin süni peyklәrindә ilk biol. tәdqiqatların hazırlanması vә keçirilmәsi, kosmik obyektlәrdә kosmik uçuşların idarә edilmәsi imkanlarını tәmin edәn havanın regenerasiya sisteminin yaradılması vә süni atmosferin optimal qaz tәrkibinin saxlanılması, hiperbarik tibb problemlәri üzrә tәdqiqatlarla, eksperimental tәdqiqatlarda biotibb etikası normaları vә prinsiplәrinin әsaslandırılması vә tәtbiq edilmәsi ilә әlaqәdardır.