GEODÉZİYA ŞƏBƏKƏSİ – Yer sәthindә vahid geodezik koordinatlar vә yüksәkliklәr sistemindә müәyyәn qayda ilә seçilmiş vә әsaslı bәrkidilmiş nöqtәlәr sistemi, yaxud şәbәkәsi. Üfüqi vә yüksәklik G. şәbәkәlәrinә ayrılır. Üfüqi dövlәt G.ş.-nin qurulmasında Yerin süni peyklәrinin müşahidә nәticәlәrindәn istifadә olunur. Yüksәklik dövlәt G.ş. ölkәnin bütün әrazisi boyu vahid yüksәklik sistemini yaratmaq üçün qurulur. Dövlәt әhәmiyyәtli, sıxlaşdırma, planaalma, xüsusi vә digәr G.ş. növlәri var. G.ş.-nin Yer sәthindәki mәntәqәlәri xüsusi geodezik işarәlәrlә (reperlәrlә) bәrkidilir; bu mәntәqәlәrdәn topoqrafik planaalma, xәritә tәrtibi, Yerin forma vә ölçülәrinin tәyinindә, mühәndisi qurğuların tikintisindә vә s.-dә istinad nöqtәsi kimi istifadә edilir. 

Əd.: bax Geodeziya mәqalәsinin әdәbiyyatına.