GEOEKOLOGİYA (geo + ... yun. οίκος – mәskәn, ev + ...logiya) – insan fәaliyyәtinin spesifik xüsusiyyәtlәrini nәzәrә almaqla litosferlә biosferin qarşılıqlı tәsir qanunlarını öyrәnәn elmi istiqamәt – Yer elmlәri (coğrafiya, geologiya, atm. fizikası, Yer fizikası, geokimya vә s.) vә biologiya sahәsindә nәzәri vә tәtbiqi tәdqiqatların ekoloji-coğrafi baxımdan ümumilәşdirilmәsi. G. tәbiәtin qorunmasının vә ondan sәmәrәli istifadәnin elmi әsaslarını formalaşdırır. “G.” termini ilk dәfә 1939 ildә alman fiziki-coğrafiyaçısı K.Trol tәrәfindәn landşaftşünaslıq termininә ekoloji istiqamәt verilmәsi üçün işlәdilmişdir. Geologiyada bu termin daha geniş aspektdә qiymәtlәndirilir. V.İ.Osipovun fikrincә G. Yerin geosfer tәbәqәlәri (litosferin üst qatı, pedosfer, yaxud torpaq qatı, atm.-in Yer sәthinә yaxın qatları, sәth suları) barәdә fәnlәrarası elmlәr kompleksidir.

G. bir elm kimi 20 әsrin ortalarından inkişaf etmәyә başlamışdır. Bu inkişafa K.Trol, G.Valter, Y.Şmithüzen (Almaniya); M.Rujiçka (Çexiya); M.Qordon, J.Lonq (Fransa); İ.Zonneveld, A.Vink (Niderland); V.N.Sukaçyov, İ.P.Gerasimov (Rusiya) öz töhfәlәrini vermişlәr.

Əd.: Г е р а с и м о в И.П. Экологические проблемы в прошлой, настоящей и будущей географии мира. М., 1985; V.M. B a b a z a d ә, S.A.İ s a y e v, M.İ.Ə l i y e v, B.H. Q ә l ә n d ә r o v. Ekoloji geologiya. B. 2012.