GERİATRÍYA (yun. γέρων – qoca + ίατρεία – müalicә) (klinik gerontologiya) – klinik tәbabәtin sahәsi; ahıl vә qoca yaşların xәstәliklәrini öyrәnir, onların diaqnostikası, müalicәsi vә profilaktikası üsullarını işlәyib hazırlayır.

“G” terminini 1909 ildә Amerika hәkimi İ.Naşer işlәtmiş vә 1914 ildә G. üzrә dәrslik nәşr etdirmişdir. G.-nın formalaşmasında vә inkişafında K.V.Qufelandın, J.M.Şarkonun, S.P.Botkinin, A.A.Boqomoltsin әsәrlәri mühüm rol oynamışdır. G.-nın әsas vәzifәlәri – ahıl qoca vә yaşlı şәxslәrin әsas xәstәliklәrinin (qocalıq demensiyası, osteoporoz vә osteoartroz, prostat vәzinin adenoması vә xәrçәngi) formalaşması vә gedişi prosesindә fizioloji sistemlәrin qarşılıqlı tәsir xüsusiyyәtinin tәyini, habelә qocalıq yaş qruplarındakı şәxslәrin xәstәliklәrinin (ateroskleroz, arterial hipertenziya, ürәk çatışmazlığı, şәkәrli diabet, xroniki qeyri-spesifik ağ ciyәr xәstәliklәri, depressiya, onkoloji xәstәliklәr vә s.) diaqnostikası, klinikası vә müalicәsi xüsusiyyәtlәrinin öyrәnilmәsidir.

G., hәmçinin, orqan vә toxumaların qocalması vә birlәşmiş xәstәliklәrin olması nәticәsindә ahıl vә qoca yaşlarında orqanizmin reaksiyasının dәyişilmәlәrini nәzәrә almaqla onlarda dәrman vasitәlәrinin istifadәsi xüsusiyyәtlәrini dә öyrәnir.