GERMANİUM-ÜZVİ BİRLƏŞMƏLƏR – molekulunda germanium atomunun karbon atomu ilә birbaşa әlaqәdә olduğu metal-üzvi birlәşmәlәr. Ge(IV) birlәşmәlәrinә germanın GeH₄ törәmәlәri kimi – tetraalkil(aril) germanlar R₄Ge vә halogen vә ya alkoksi-alkil(aril) germanlar XnGeR_4–n (R – alkil vә ya aril radikalı, X– Hal, OR, n=1-3) kimi baxılır. Digermanlar R₃GeGeR₃, digermoksanlar R₃GeOGeR₃, digermazanlar R₃GeNHGeR₃, germatranlar (formula), Ge=X (X – C, N, P, O, S) ikiqat rabitәli birlәşmәlәr, hәmçinin heterotsiklik G.-ü.b. mәlumdur.

Alifatik germanlar R₄Ge maye, aromatik bәrk maddәlәrdir; sonuncular suyun tәsirinә davamlıdır, üzvi hәlledicilәrdә hәll olur. Ge(II) birlәşmәlәr - germilenlәr R₂Ge davamsızdır, onların davamlılığı, adәtәn, molekula hәcmli әvәzedicilәr daxil edildikdә artır. Germilenlәr yüksәk reaksiya qabiliyyәtinә malikdir. Lüis turşuları vә әsasları ilә davamlı komplekslәr әmәlә gәtirir.

G.-ü.b. Li, Mg, Al vә Hg üzvi birlәşmәlәrin halogengermanlarla, Ge-un karbohidrogenlәrin halogenli törәmәlәr ilә, HGeHal₃-ün doymamış karbohidrogenlәrlә qarşılıqlı tәsirindәn alınır. G.-ü.b.-in çoxu yüksәk biol. aktivliyә malikdir.