GƏMİQAYA TƏSVİRLƏRİ – Azәrb. Resp. Ordubad ş. yaxınlığında, Qapıcıq d.-nın yamaclarında qayaüstü tәsvirlәr. G.t. 1965 ildә geoloqlar tәrәfindәn aşkar olunmuş, 1968 ildәn tәdqiq edilir. Tәdqiqatlar nәticәsindә Qaranquş yaylağında dairәvi planlı mәskәnlәr (tikililәrin diametri 5–12 m olan divarları iri vә orta hәcmli qaya parçalarından qurulmuşdur) vә qayaüstü tәsvirlәr (hәmin mәskәnlәrin әtrafındakı qayalar üzәrindә) aşkara çıxarılmışdır. Sonralar isә buralar Araz sahilindә, elәcә dә Naxçıvançay, Əlincәçay, Gilançay vadilәrindә yaşamış tayfaların yaylaq yerlәri olmuşdur. Elә hәmin dövrlәrdәn buradakı qayalar üzәrindә insan vә müxtәlif heyvan (keçi, maral, it, at, bәbir, öküz, quş, balıq vә s.) tәsvirlәri, yay-ox vә kәmәndlә keçi ovlanması vә rәqs sәhnәlәri, ayrı-ayrı şәrti işarәlәr (dairәlәr, dördbucaqlı, üçbucaqlı, çәrxi-fәlәk nişanları vә s. rәsmlәr) hәkk edilmişdir. Rәsmlәr tәk, qoşa vә kompozisiyalıdır.

G.t.-nin vә oradakı qәdim mәskәnlәrinin azı 5–6 min yaşı var. G.t. qәdim Naxçıvanın Tunc vә Dәmir dövrü әhalisinin bәdii tәfәkkürünü, estetik baxışlarını vә dini- ideoloji tәsәvvürlәrini әks etdirәn qiymәtli tarixi mәnbәdir.

Əd.: Ə l i y e v  V.H. Gәmiqaya abidәlәri. B., 1993; M ü s e y i b l i N. Gәmiqaya rәsmlәri. B., 2002; B a x ş ә l i y e v V. Gәmiqaya tәsvirlәri. B., 2003; M ü s e y i b l i  N. Gәmiqaya. B., 2004; К е р и м о в В. Гемикая. Б., 2005.