GƏNCƏ DÖVLƏT UNİVERSİTETİ – Azәrb. Resp. Tәhsil Nazirliyinin tabeliyindә olan ali tәhsil müәssisәsi. 1938 ildә Azәrb. Xalq Komissarları Sovetinin qәrarı ilә ikiillik Müәllimlәr İn-tu tәsis olunmuşdur. 1943 ildәn in-t lәğv edilәrәk onun bazasında H. Zәrdabi ad. Gәncә Dövlәt Pedaqoji İn-tu yaradılmışdır. 13 iyun 2000 ildәn Gәncә Dövlәt Un-ti adlanır. Un-tdә 8 fakültә – biologiya-kimya, riyaziyyat-informatika, fizika vә texniki fәnlәr, pedaqoji fakültә, tarix-coğrafiya, xarici dillәr, iqtisadiyyat-idarәetmә, filologiya vә o cümlәdәn aspirantura vә doktorantura, magistratura, qiyabi, informasiya vә kommunikasiya texnologiyaları, xüsusi şöbә, xarici әlaqәlәr, kadrlar, nәşriyyat, tәdris, tәdris-metodiki şöbәlәri fәaliyyәt göstәrir. Un-tdә tәdris bakalavr (tәhsil müddәti әyani 4 il, qiyabi 5 il) vә magistr (tәhsil müddәti 2 il) pillәlәrindә aparılır (2017). 

Hazırda GDU-da 6300-dәn artıq tәlәbә tәhsil alır vә 31 tәdris kafedrasında 16 elmlәr doktoru vә professor, 146 fәlsәfә doktoru vә dosent, 400-ә yaxın baş müәllim vә müәllim çalışır.

Un-tin 3 tәdris binası, tәlәbә şәhәrciyindә yerlәşәn yataqxanası, zәngin kitabxanası, informasiya mәrkәzi, kompüter siniflәri, idman zalı vә s. var.