GƏNCƏR (Gencer) Leyla (Ayşe Leyla Çeyrekgil) (10.12.1923, İstanbul, Polonez k. – 10.5.2008, Milan) – türk opera müğәnnisi (soprano), pedaqoq. Türkiyә Dövlәt sәnәtçisi (1987). İstanbul Bәlәdiyyә Konservatoriyasında E. de Hidal- qo vә Y.A.Lombardinin tәlәbәsi, 1946–49 illәrdә İstanbul Şәhәr Xorunun solisti olmuşdur. Sәhnәyә ilk gәlişi 1950 ildә Ankara Dövlәt Opera Teatrında P.Maskanyinin “Kәnd namusu” operasında Santussa rolu ilә başlamışdır. 1954 ildә eyni rolu Neapoldakı San-Karlo operasında ifa etmәklә rej. P. di Kastanzonun diqqәtini çәkmiş vә o, “Çio-Çio-san” (C. Puççini) operasında Madam Batterflyay vә “Yevgeni Onegin”dә (P.İ.Çaykovski) Tatyana rollarını G.-ә hәvalә etmişdir. Sәsinin böyük diapazonu, aktyor istedadı G.-ә hәm lirik, hәm dә dramatik rollarda çıxış etmәyә imkan yaratmışdır: Cilda “Riqoletto”, Violetta “Traviata”, Aida “Aida”, Ledi Maqbet (“Maqbet”, C.Verdi); Ramina (“Sehirli fleyta”, V.A. Motsart). Q. Donisettinin operaları onun yaradıcılığında xüsusi yer tuturdu, müğәnni bәstәkarın әsәrlәrini interpretasiya etmәklә mәşhurlaşmışdı. “Anna Boleyn”, “Lukresiya Borcia”, “Mariya Stüart” vә s. operalarda baş partiyaların ifaçısı olmuşdur. Belkanto partiyalarına әlavә olaraq, müğәnni G.Qlyuk, Motsart, K.Monteverdi, L.Kerubini, C.Puççini, J.Massne, Çaykovski, S.Prokofyev, B.Britten, K.Veber vә başqa bәstәkarların әsәrlәrinә müraciәt etmişdir. 1985 ildә opera karyerasına son qoymuş, 1992 ilә qәdәr konsert fәaliyyәtini davam etdirmişdir. Pedaqoji fәaliyyәtlә mәşğul olmuş, 1983– 88 illәrdә La Skala teatrı nәzdindә Opera Müğәnnilәri Akademiyasının direktoru işlәmiş, 1997–98 illәrdә hәmin teatrın gәnc müğәnnilәr mәktәbindә dәrs demişdir. Dünyanın müxtәlif ölkәsindә qastrol sәfәrindә olmuş, dәfәlәrlә Türkiyәdә konsertlәr vermişdir. 1960 ildә Azәrb. Dövlәt Filarmoniyasının sәhnәsindә çıxış etmişdir. 2007 ildә La Skala teatrının musiqi rәhbәri R.Mutinin xahişi ilә gәnc aktyorlara hamilik göstәrmişdir. Bir çox beynәlxalq mükafatlara layiq görülmüşdür. İtaliya vә Türkiyәdә haqqında kitablar nәşr olunmuşdur.