“GƏNCİNEYİ-FÜNUN” (“Elmlәr xәzinәsi”) – 1903–04 illәrdә Tәbrizdә farsca çıxan (ayda iki dәfә) elmi-әdәbi jurnal (cәmi 24 nömrә). Daşbasma üsulu ilә iri formatda (16 sәh.) nәşr olunan jurnalın ilk nömrәsi 1903 il yanvarın 30-da buraxılmışdır. “G.f.” Cәnubi Azәrb.-nın vә bütövlükdә İranın ilk elmi-әdәbi jurnalı sayılır. Burada işıq üzü görәn mәqalәlәr dörd mövzunu әhatә edirdi: elm-texnika, incәsәnәt, tarix vә әdәbiyyat. M.Y.Etisamül-mülk, M. Şәbüstәri, H.Tağızadә, H.Ədalәt kimi maarifçilәr jurnalla әmәkdaşlıq etmişlәr. Tәsisçisi vә baş redaktoru Mәhәmmәdәli Tәrbiyәt idi.

Əd.: U z u n Ə. Güney Azerbaycan basın tarihi (1816–2002), Trabzon, 2002; M ә m m ә d l i P. Cәnubi Azәrbaycan mәtbuat tarixi (XIX-XX-XI yüzilliklәr). Bakı, 2009.