GƏNƏ İFLİCİ – gәnәlәrin sahibin qanı ilә qidalanarkәn ifraz etdiyi toksinlә zәhәrlәnmә nәticәsindә heyvanlarda әmәlә gәlәn kәskin parazitar xәstәliyi. Bir çox k.t. heyvanlarında, әhli vә vәhşi mәmәlilәrdә, quşlarda, әsasәn dә qoyun, iri buynuzlu heyvanlarda, itlәrdә vә s.-da olur. Avstraliya, Afrika, Şimali Amerikada, Avropanın vә Asiyanın cәnubunda qeyd olunur. İksod vә arqas gәnәlәrinin müxtәlif növlәri tәrәfindәn törәdilir. Toksinin miqdarı vә zәhәrliliyi gәnәlәrin növü, yaşı vә fizioloji vәziyyәtindәn asılıdır. Cavan heyvanlar toksinә qarşı daha hәssasdır. Xәstә heyvanlar әvvәl qıcıqlanmış, narahat olur. Az sonra qıcıqlanma sıxıntı ilә әvәz olunur, әzәlә titrәmәsi yaranır, arxa әtrafların, sonra isә ön әtrafların, boynun parez vә iflici tez inkişaf edir. Xәstәlik 3–5 gün davam edir vә çox vaxt ölümlә nәticәlәnir. Diaqnoz qoymaq çәtindir vә iflic olmuş heyvanlarda gәnәlәrin aşkarlanmasına әsaslanır. Xüsusi müalicә işlәnib hazırlanmayıb. Profilaktika gәnәlәrin hücumundan heyvanların qorunmasına yönәlib.

Əd.: Г а л у з о  М.Т., К у с о в В.Н., Паралич клещевой, в кн. Ветеринарная энциклопедия, т. 4.М., 1973.