GƏNZƏ – Azәrb. Resp. İsmayıllı r-nunun Qoşakәnd ә.d.-ndә kәnd. R-n mәrkәzindәn 12 km c.-ş.-dә, dağәtәyi әrazidәdir. Əh. 15 (2017); arıçılıq vә heyvandarlıqla mәşğuldur.

Kәnd öz adını yaxınlığındakı Gәnzәdağın adından almışdır. Dağın başında qәdim mәbәd xarabalıqları qalmaqdadır. 19 әsrә aid mәnbәlәrin mәlumatına görә, r-nun әrazisindәki Ximran vә Hәftәsov kәndlәri yaxınlığında yanar odlar olmuş vә әhali bu yerә sitayiş etmişdir. Bununla әlaqәdar olaraq, bәzi tәdqiqatçılar oykonimi әrәb dilindәki “kәnisә” (“mәbәd”) sözünün tәhrif olunmuş forması hesab edirlәr. M. Seyidov, Q. Qeybullayev, F. Rzayev vә b. isә oykonimi türk tayfaları ilә әlaqәlәndirirlәr. Kәndin adının әvvәllәr “Kanzak” olduğunu qeyd edәn F. Rzayevin fikrincә, “kan” qәdim türk dillәrindә “ulu”, “ata” mәnasında işlәnmiş, “zә” (“zәk”) isә sak tayfalarının adından götürülmüşdür. Demәli, oykonim ilk vaxtlar qaynaqlarda qeyd olunduğu kimi Kәnizәk–Kәnzәk şәklindә işlәnmiş, zaman keçdikcә “Gәnzә” formasını almışdır. Türkoloq C.Cәfәrov bu toponimin hunların әn qәdim adından – “kun”un morfoloji birlәşmәsi “kunçuk”dan törәmiş “Gәncәk” türk tayfasından götürüldüyünü qeyd edir. Q.Qeybullayev dә orta әsr qaynaqlarına istinadәn toponimi saklardan olan “gәncәk” tayfaları ilә bağlayır.

G. әrazisindә antik vә orta әsrlәrә aid yaşayış yerinin qalıqları, habelә qәdim qәbiristan (1 әsr) var. G.-nin c.-unda tәpәnin üstündә aşkar edilmiş torpaq qәbirlәrdәn e.ә. 3–1 әsrlәrә aid qara, boz, qırmızı rәngli gil qablar (xeyrә, dopu, lülәkli qablar vә s.) tapılmışdır.