GƏRAYZADƏ Akif Paşa oğlu (d.17.10.1938, Quba ş.) – Azәrb. torpaqşünası, aqrokimyaçı. Azәrb. Resp. Əmәkdar elm xadimi (2005). Kәnd tәsәrrüfatı e.d. (1988), prof. (1990). Azәrb. Dövlәt Un-tini bitirmişdir (1963). 1963–72 illәrdә AMEA-nın Torpaqşünaslıq vә Aqrokimya İn-tunda kiçik elmi işçi, 1972 ildә Torpaq meliorasiyası laboratoriyasında baş elmi işçi, 1976 ildәn Torpaq fizikası laboratoriyasının müdiridir. Tәdqiqatları torpaqda rütubәt vә istilik axınlarına, torpağın elektrik vә optik xassәlәri arasındakı asılılıqların riyazi modellәrinә, torpaq örtüyünün mәsafәdәn öyrәnilmәsinә, bitkilәrin enerji akkumulyasiyası әsasında onların suya olan optimal tәlәbatının tәyin olunmasına, torpaq spektrofotometriyasının tәdqiqinә hәsr edilmişdir. 220-dәn artıq elmi әsәrin, o cümlәdәn 3 monoqrafiya vә 1 kitabın (kollektiv müәlliflәrlә) müәllifidir; bir sıra elmi qurultay, konfrans vә konqreslәrin (mәruzә ilә) iştirakçısıdır. Kadr hazırlığında xidmәti var.

Ə s ә r l ә r i: Torpaq sistemlәrindә istilik vә rütubәt axınları. B., 1982; Torpaq-bitki atmosfer sistemindә enerjinin çevrilmәlәri. B., 1989; Torpaqәmәlәgәlmә vә antropogenez: funksional-struktur aspektlәri. Novosibirsk, 1991 (kollektiv); Torpaqların istilik-fiziki xassәlәri. B., 2006.