GƏRGİNLİK ÇEVİRİCİSİ, s a b i t   g ә r g i n l i k   ç e v i r i c i s i – müәyyәn gәrginlikli sabit cәrәyanın elektrik enerjisini digәr gәrginlikli sabit cәrәyanın elektrik enerjisinә çevirәn elektron vә ya elektromexaniki qurğu. Yarımkeçirici cihazlar әsasında yaradılmış G.ç.-lәri daha geniş yayılmışdır. Yarımkeçirici G.ç.-lәrin f.i.ә. yüksәk, xidmәt müddәti çox vә radioqәbulda xәtası azdır; ikinci elektrik mәnbәyi kimi geniş istifadә olunur.
Elektrik enerjisini bir dәfә vә iki dәfә çevirәn (ikihissәli G.ç.; әvvәl mәnbәdәn gәlәn sabit

cәrәyanı yüksәk tezlikli dәyişәn elektrik cәrәyanına çevirir, sonra isә bu dәyişәn cәrәyanı digәr gәrginlikli sabit cәrәyana çevirir) G.ç.-lәrinә ayrılır. Birinci növ G.ç.-lәri kimi sabit gәrginlik tәnzimlәyicilәri tәtbiq edilir; onların yarımkeçirici orqanı söndürücü (cәrәyanmәhdudlaşdırıcı) rezistor rolunu oynayaraq, fasilәsiz (xәtti) rejimdә işlәyir. Belә G.ç.-lәri birkanallıdır; onlar gәrginliyi artırmır vә girişlә çıxış arasında elektrik izolyasiyası yoxdur. İkihissәli G.ç. bir vә ikikanallıdır, giriş vә çıxışı, hәm dә çıxış kanalları bir-birindәn elektrik izolyasiyalı olur; elektrik çevirgәci (açar) kimi, adәtәn, tranzistorlar, yaxud tiristorlar işlәdilir. Bu növ G.ç.-lәri tәsirlәndirilmә üsuluna (özütәsirlәnәn vә müstәqil tәsirlәnәn – verici generatorun kömәyilә tәsirlәnәn), әks-әlaqә növünә (mәs., cәrәyan vә ya gәrginlik üzrә transformator әks-әlaqәsi) vә tranzistorların qoşulma sxeminә (ümumi emitterli vә ya kollektorlu, ümumi bazalı) görә müxtәlif olur. Bax hәmçinin Cәrәyan düzlәndiricisi, İnvertor.