GƏRİLMƏ – әzәlә, vәtәr vә sinirin anatomik quruluşunu pozmadan, müәyyәn qüvvәnin tәsiri hesabına yumşaq toxumaların zәdәlәnmәsi. G. qәfil hәrәkәtlәr zamanı baş verir vә әn çox aşıq vә diz oynaqlarında olur. Bu zaman oynağın normal hәrәkәtliliyi dәyişir. Belә hallara әn çox idmançılarda tәsadüf edilir. G.-nin dәrәcәlәri müxtәlif olur. Yüngül dәrәcәli G. 1–2 gün, ağır hallarda isә (bağın qırılması baş verәrsә) 2–3 hәftә davam edә bilәr. G.-nin bütün növlәrindә rentgenoloji müayinә aparılır. Əsas әlamәtlәri: ağrı, şişkinlik, yumşaq toxumalara, bәzәn oynağa qan sızma (hemartroz), oynağın funksiyasının pozulması.

M ü a l i c ә s i: yüngül hallarda bintlә sıx bağlamaq vә 1–3 sutka sakit vәziyyәtdә saxlamaq, ağır hallarda gips langet qoymaq. Geniş oynaq zәdәlәnmәlәrindә patoloji ağırlaşmalar (oynağın sәrbәst hәrәkәt edә bilmәmәsi, zәdәlәnmiş әtrafda әzәlәnin atrofiyalaşması vә s.) ola bilәr. Bu zaman müalicәdә, әsasәn, masaj, fizioterapiya, müalicә gimnastikası vә s. istifadә olunur.