GƏVƏN (Astragalus) – paxlalılar fәsilәsinin bitki cinsi. Birillik vә çoxillik otlar, ya- rımkolcuqlar, bәzәn kolcuqlar vә hünd 2 m-dәk. kollardır. Yarpaqları tәk vә ya cütlәlәkli, saplaqlı, qurtaracağı yarpaqcıq deyil, tikandır. Qoltuq, salxımvarı vә ya başcıqvarı çiçәk qrupunda toplanmış çiçәklәri al-qırmızı, çәhrayı, sarımtıl vә ya ağdır. Çiçәklәyәndәn sonra kasacığı bәzәn çox şişir. Meyvәsi paxladır. Tәqr. 2200 növü Şimal yarımkürәsinin mülayim vә subtropik әrazilәrindә yayılmışdır. Azәrb.-da 150- dәk növü bitir. Bәzi G.-lәr yem vә dәrman bitkilәridir. Bәzәn sәrbәst cinsә aid edilәn tikanlı tragankantlar adlanan bitkilәrin oduncağında olan kitrәdәn qida (qatılaşdırıcı kimi), әczaçılıq (hәblәrin hazırlanması üçün birlәşdirici maddә) toxuculuq (boyaları möhkәmlәndirәn) vә s. sәnaye sahәlәrindә istifadә olunur.

Qum gәvәni (Astrágalus arenárius).